fru Dings

Nytt kjøkken

2009-04-06T05:03:00.000-07:00

Etter å ha tenkt på i fleire dagar at eg skal fotografere det nye kjøkkenet vårt, har eg komme fram til at eg må ta bilete - sjølv om det ber preg av å vera i bruk! Eg har nett sett ein rundstykke-deig, og derfor er da litt rot. I tillegg manglar handtak og knottar, så oppvaskmaskinen manglar deksel. Elles; kjøkkenet er i bruk, eg er svært nøgd med det! Lidingø frå IKEA, med eike benkeplate og integrerte kvitevarer. Me har sett dette inn i ei av dei to opprinnelege stovene. Det gamle, litla, lite funksjonelle kjøkkenet på baksida av huset skal bli til vaskerom i haust. Det nye kjøkkenet har den flotte utsikten, eit stort og eit litt mindre vindu og er lyst og triveleg, syns me!

Her kjem ein miks av innredning og detaljar:

Me har tømmerveggar her, som me har mala kvite. Det viser på biletet under:

Godstolen har fått plass her inne. Vitrineskapa i bakgrunnen er også frå IKEA, og passar godt saman med innredninga.

No skin sola ute, og eg tar med meg ei bok ut i Lysthuset vårt:

Den gamle, sjarmerande garasjen her ligg godt og lunt til. Me har møblert inne i den med gamle møblar, og det er herleg å sitja i døropninga i ein solstol. Det er planen no! God måndag!

Innevèr og smådetaljar frå Lier

2009-03-30T03:22:00.000-07:00

Eg knipsar litt bilete når eg er ute om dagen og luftar magen ;) Her er nokre av dei firbeinte venene hos oss. Blåmann er den vesle bukken vår, han trivs godt i lag med dei 15 søyene våre.

Er han ikkje søt?

Sauene våre har flotte fargar og er skikkeleg raggete. Her står dei og kosar seg med kraftfòr medan eg snikfotograferar

Gongen her i huset er (så langt) i vårlege pastellfargar.. Døra har jo sin sjarm! Og så skal eg innrømmast at eg gler meg til å få pussa opp her, få fram kvite tømmerveggar og setja inn ei ny dør. Enn så lenge, her er eit bilete av døra mi:

Velkommen inn :o)

Eg fekk med ein "smaksprøve" på vårens nye tulipanar hos Mester Grønn ein dag eg var innom der. Ganske flotte, syns eg!

No skal dagen nytast inne, det regnar ute og eg har nok av småting å kosa meg med innandørs.

Ønskjer deg ein framleis god mandag!

Vår og livsteikn frå Lier

2009-03-25T11:46:00.000-07:00

Endeleg har me tutla oss til å få skikkeleg internett-tilgong. Kombinasjonen av mammapermisjon (ventetid, to veker att til den vesle kjem) og internett er fin!

Så denne bloggen vaknar til liv igjen :)

Her kjem nokre bilete tatt sidan sist. Her frå dei nydelege dagane med snø i vinter:

Desse bileta er tatt for nokre dagar sidan, då vårsola varma godt i husveggen:

Innandørs har eg strikka bleiebukser i vinter. Dei er no lanoliniserte og ligg klare, saman med brettebleiene frå Nøstebarn.

Ha ei super helg!

Godt nyttår!!

2008-12-31T01:39:00.000-08:00

Her kjem endeleg noko oppdatering frå bondekonå! Me kjøpte eit småbruk i sommar, og i haust har me komt oss på plass i det nye (gamle) huset. Det er nokså variabel nett-tilgong foreløbig, difor har da lenge vore stille på denne sida. I nyttårshelga er me i Stavanger på besøk, og eg nyttar anledningen til å oppdatera litt :) Her er det vesle, gule huset vårt, julepynta.

På bakkane har me 15 sauer, gammal norsk spelsau. Dei er skikkeleg flotte, raggete flott ull i mange fargar og med horn.

På søndag var det nydeleg ver, me var nede ved vatnet og grilla middagen. Kjekk dag med besøk av familien til Hans Ole.

No gler eg meg til nyttårsfeiring med gode venner i Stavanger, som me ikkje har truffe på ei stund. Eg trur 2009 kan bli eit godt år. Spesielt ser me fram til påsken, då me to skal bli ein familie på tre! :o)

Til slutt vil eg visa noko av utsikten frå tunet vårt. Huset vårt ligg i ein skråning, ned mot eit vatn. Desse flotte vintermorgonane nyt me synet av himmelen når sola kjem opp. Nede ved vatnet ligg eit fint, gammalt naust i stein.

Eg vil ønskja alle ei flott nyttårsafta og alt godt i det nye året!

Klem frå fru Dings

Huset vårt i Stavanger..

2008-07-02T05:56:00.000-07:00

...er no solgt. Når eg ser på desse bildene, frå prospektet, veit eg at eg kjem til å sakna det. Huset me skal flytta inn i krev ein del arbeid :) Men me gler oss, og skal heldigvis ha 1 månad ferie til å komma igong med dette, før me begynnar i nye jobbar i haust. I morgon reiser me ei god veke til Danmark, og resten av ferien blir i september. Her er nokre bilete frå huset her i byen:

Kjøkkenet pussa me opp i vinter:

Dette var ein liten kikk inn til meg :)
Når det kjem til handarbeid, har eg desse dagar avslutta havskum-teppet mitt.
Bilete kjem i neste innlegg!

Nyt sommarveret!

Nyta livet!

2008-06-14T10:18:00.001-07:00

Her kjem nokre bilder frå ein knallkjekke lørdag med gode venner :) Me var på båttur til Usken og koste oss med mat frå Ostehuset. Herleg temperatur og nydelig mat! Skikkeleg å nyta livet..
Beauty kosar seg, ho er golden retriever og ein skikkeleg badehund.
Elles så går dagane i ett og grunnen er at me skal flytta. Me har funne draumestaden, eit lite småbruk i Sunnhordland. Me flyttar til seinsommaren/tidleg haust. Så no skal huset i Stavanger til salgs - og før den tid skal mykje ordnast. Difor, lite tid til blogging. Eg kjem sterkare tilbake med fleire bilete frå draumestaden vår.

Huset ligg med fin utsikt over vatnet, og me eig nedover til vatnet og har ei lang strandlinje. Ein roleg og fin plass, der me skal få nokre sauer på bakkane :)

Ønskjer dåke alle ei fortsatt gode helg!

bli med ut i hagen!

2008-05-27T10:35:00.001-07:00

Dette er noko av detaljane frå inngongspatiet vårt. I kveld har eg faktisk vore i hagen, som skiltet seier. Og lurar på, vil du vera med ein liten tur i hagen? Ein fin mai kveld med god varme frå sola? Her er trappa som er "inngongen" til hagen vår. Herr Dings er anleggsgartnar, og denne trappa (+ ein utvida mur og eit blomsterbed) er fagprøven han tok i haust. Han var heldig, og fekk teikna prøven og gjennomføra den hos oss sjølve. Kom, bli med opp;

Her ser du nokre av sommargeorginene me har. Dei er sneglane sin favoritt! Berre i dag morges tok herr Dings 12 stk.. Men takka vere god innsats av snegleplukkaren, har me framleis mange som blømer.

Magnolianen er min stolthet i hagen. Den blømer frå bar kvist og er nydeleg. Den luktar i tillegg godt. Me kjøpte busken i vår, og den hadde stpre knoppar. Den har blømt sidan byrjinga av mai. No er den på hell, berre eit par knoppar att. Her er eine blomen:

Den er litt brun i kantane, har blomstra lenge :) Her er ein knopp som sprett snart:

Til slutt;

Hengelobelia i sinkbøtte utanfor døra.

Dette var litt av hagen vår, og eg har kost meg ute der idag.
Eg har også slappa av med babypleddet. Idag har eg festa alle trådane.. :)
*stolt* No er det berre 10 rekkjer til, ein heklekant rundt, og så er det klart til
vesle guten som kjem i august.

Ha ein flott mai-kveld.
Tusen takk for kommentarar dåke legg inn!

kom mai, du skjønne, milde...

2008-05-21T11:45:00.000-07:00

Vel oversått 17.mai :) Me hadde ein koseleg dag med besøk hos svigers, folketoget i Stavanger og grillfest i hagen med gode vener. Både herr og fru Dings er heldige og har bunader. Eg har blå Sunnhordlands-bunad, og han har herrebunad frå Rogaland. Det er kjekt å ha slike festplagg!

Eit bilete av oss i feststasen:

Her i byen fins det mest ikkje regn for tida, sola skin og me har stadig framme vannspredaren for å halda liv i blomster og plen. Luksus! I denne samanhengen, altså fint ver, har eg begynt å sykla til jobben. Eg vart biten av sykkelbasillen på den vesle dansketuren vår, og etter dette har eg sykla till jobb 2-3 gongar i veka. Det går ikkje fort med meg, mange menn på 50 i stramme sykkelshorts syklar forbi. Men eg er no fornøgd likevel, betre å sykle sakte og annakvar dag enn å ikkje sykle i heile tatt! Og så er det litt kick å sykle forbi bilkøen som står over Strømsbrua kvar ettermiddag, og komme raskare over den enn ein bil :)

Her er ein smakebit på det eg handla i Danmark:

Skjønne prikkar og striper i lyseblått frå Green Gate.

Elles så heklar eg babyteppe for tida, til ei venninne som ventar ein gut i august. Teppet er i alpakka og eg likar fargane så godt:

Beauty er det "vesle" gullet i vår familie. Hu er gylden golden retriever, halvtanna år gammal:

Er ho ikkje nydeleg?? :)

kniv, skei og gaffel og ... det er dejlig å være norsk i Danmark... :)

2008-04-28T11:54:00.001-07:00

Hei! Idag kjem litt av kvart frå meg. Først nokre loppefunn:

Desse skeiene og gaflane kjøpte eg på loppemarked - eg syns dei er fine
og sjarmerande slitte. Eg har nye teskeier med flat rose, så dei kan brukast
saman med.

På Fretex fann eg desse knivane som eg syns passar til:

Sist helg sykla me i Danmark saman med eit vennepar.
Det var ein herleg , liten ferie!
Øya me sykla på heitte Mors.
Sola skein, vindmøllene stod omtrent stille og rundt oss var
flotte grøne bakkar og gule raps-blomster.

Danmark er flott!!

Dette biletet er tatt inne frå eit av drivhusa på den fantastiske overnattingsplassen
like utanfor Nykøbing, som heiter Rosegave. Eit ektepar leiger ut rom, og du kan benytte den
nydelege hagen. Plassen minner meg om Snekkersten, som me besøkte i august.
Rosengave blir garantert besøkt igjen!

Her er noko av interiøret på staden:

Til slutt eit lite glimt frå sykkelvegen:

Litt shopping vart det også tid til og plass til i sykkelveskene. Dei bileta kjem i
neste innlegg! No ventar sofaen, hekletøyet, herr Dings og ein god film!
Ha ein fine kveld, der ute i bloggverda.

Klem frå fru Dings :)

Sokkar og sol og loppis

2008-04-08T07:22:00.000-07:00

Idag skin sola og perleblomstrane mine trivst i vinduskarmen.
Eg var på loppemarked på lørdag og her er nokre av kuppa:

Nydeleg lita osteklokke:

Og eit stettefat som er lite og søtt:

På hobbyfronten har eg strikka sokkar, to par på tynne pinnar.
Garnet er det nye strømpegarnet på Sandnes i 100g buntar, og det har blitt eit svart og eit brunt par. Syns sånne sokkar er gode å bruka utan bomullssokkar under. Dette er det brune paret mitt:

På lørdag hadde me ein koseleg kveld saman med eit vennepar. På menyen stod indrefilet av okse og fløytegratinerte poteter. Kjøttet var eit svært godt kjøp ;) Herr Dings var på Rema 1000 på lørdag morgon og skulle kjøpa ferske rundstykke til frukost. Han kikka også etter noko godt me kunne ha når me fekk gjester. Han fann denne indrefileten, men det var ikkje merka kva prisen var. Når Rema-mannen skulle sjekka prisen, fann han ikkje kjøttet i noko oversikt. Det viste seg at det nok var noko feillevert til butikken... Og dei vart enige om prisen 100 kr.. Me fekk over eitt kilo indrefilet til hundre kroner! Det smakte nydeleg...

Ha ein god tysdag!!

Klem frå fru Dings :)

Etter-påske

2008-03-26T11:44:00.000-07:00

Eg har hatt ein fin påskeferie. God tid med familie, og herleg hyttetur
med mine to kjære; herr Dings og Beauty.
I påska kjøpte eg frø og løkar på Plantasjen. Eg gler meg til å få dei
ut og sjå at det spirer! Men; vinteren har komt til Stavanger.
Så frøa må vente nokre dagar med å komme ut. Snø og kulde er sjeldan
lenge her, så eg nyt sola og finveret.. samtidig ser eg fram til våren :)

Eg har laga eit par tubesokkar i tjukt garn.
Desse skal rett i julegåve-skuffa.

Babyteppet vart ferdig i påska. Godt og mjukt med Alpakka!

I dag er den store kles-vaske-dagen etter ferien.
Den gode, gamle AEGen går så det susar etter.
I mellom å springa opp og ned og sentrifugera og
hengja opp klede, skal eg få strikka litt på
det brune sokke-paret eg har på pinnane.

Til sist i kveld kjem eit bilete av Beauty.
Er ho ikkje søt?

Hjemmet er der hjertet er..

2008-03-02T11:08:00.000-08:00

På fredag køyrte eg og mannen til Krims og Krams på Vigrestad. Turen frå Stavanger tok drøye tre kvarter, og var absolutt verdt da! Her var da mykje koseleg å kikka på. Eg fann ein sjablong til å ha på veggen i gongen.
Den franske teksten betyr at hjemmet er der hjertet er.

I tillegg fann eg cerise-rosa tove-garn til firkanttøflene eg skal strikke til jenta til ei kollega av meg.
Firkanttøfler er raske og gode tøfler, har to par i maskinen no. Begge til herr Dings. Han har slitt hol i det første paret.
Elles så er kjøkkenet ferdig måla og er på plass igjen. Er veldig fornøgd med dei kvite, fine dørane!
Ha ein framleis god søndags-kveld! :)

Oppussing

2008-02-21T11:54:00.000-08:00

Her i heimen pussar me opp for tida. Gler meg til eg kan leggja ut bilete av den "nye", kvite kjøkkeninnredninga! Kjøkkenet var nokså kvitt då me kjøpte huset. Etter at me måla tak og vegger kvitt der inne, vart kjøkkeninnredninga ein slags grøn-kvit. Og i tillegg har tidlegare eigar valgt feil type måling (alt for matt). Det skal seiast at eg er svært fornøgd med fasongen på kjøkkenet og mønsteret i dørane, fine profilar. Så alt som skal til no er ein glansigare og skikkeleg kvit farge, så vert denne husmora glad :)

Eg heklar når eg ser på TV, der nærmar seg slutten på innkjøpt Alpakka til babyteppet.
Har nokon erfaring med kor breitt og langt eit babyteppe bør vera?

Biletet viser bøgjeteppet mitt - begynte på dette når eg oppdaga alle bloggane med hekleglade damer. Det er godt og varmt å ha i sofaen!

Heime etter hotellerie :)

2008-02-17T10:27:00.001-08:00

I helga har me hatt ei stor familie-feiring på Hotell Ullensvang.
Farfar er 85, farmor 80, og dei feirar gullbryllup dette året.
Så helga har godt med til god mat og godt selskap!

Biletet viser litt av mønsteret på dukane eg fekk sydd i forrige veke.
Mønsteret er i sølv, tøyet er frå Stoff og Stil.
Eg sydde ein til spisebordet og ein til salongbordet. No gjenstår da, som dåke ser,
berre å stryka dei.

Hjerta er inspirert av Tildas hus, og heng i gongen vår.

God arbeidsveke igjen, i morgon!

Lys og varme

2008-02-12T09:05:00.000-08:00

Bildene er frå stova i kveld. Eg fann eit fint serveringbrett med føtter på, under "Gis bort" på finn.no. Det passa attmed sofaen, og det vart fint med lys og blomster på.
No har eg ein avtale med symaskinen, me skal sy ferdig ein duk. Ha ein god kveld!

Livet i ei boble eller ei bolle..

2008-02-10T08:42:00.000-08:00

Vil visa kva som lever i gullfisk-bolla mi..  Her lever rosa og orkideen sitt eige liv.
Krev mindre stell og mat enn ein gullfisk, og er dekorative syns eg.




Her er litt av da eg har gjort på i helga - produksjon av oldemorsruter. Sidan eg er ganske fersk i "pryd-hekling" (som broren min kalla det), er målet et babyteppe.

Ny i bloggverda

2008-02-08T10:41:00.000-08:00

Etter å ha henta mykje inspirasjon i blogg verda, har eg lyst å laga min eigen plass her inne! Eg heklar for tida, babyteppe til ein av venninnene som ventar.
Det er fredag, skal nyta ei god helg her heime.
Eg byrjar bloggkarriera mi med eit bilete frå heimen min i kveld.